感嘆公共空間的消失

昨天跟住在樂富的朋友聊天，用31蚊食個下午茶餐，但愈多愈多人食飯，嘈到不能聊天。唯有找個靜些的地方，以前未領匯化前，樂富商場有很多公共空間，有好多椅子，現在室內找不到椅子，連室外的地方都被領匯封了圍板。朋友建議到她經常去的草地足球場觀眾席坐坐，坐在觀眾席看著大草地、人們踼足球，不經不覺談了3小時。

後來有個保安走過來問我地係咪識得踼足球的人，我地話唔識，個保安就話觀眾席只供租場的人的家屬/朋友坐，其實租場的人都覺得無所謂，但個保安就話之前有人偷野，所以唔准非租場的人的家屬/朋友入場。聽完真係啤一聲，如果是怕人偷野，應該鎖左個門，直情唔比其他人入來，個保安觀察左我地3粒鐘先發覺我地唔似係租場人的家屬/朋友，走過來趕人走，理由是防小偷-_-。果陣我心情好，否則一定會問佢邊條例唔比人坐底，因為而家D保安成日以為自己有好大權力，又或者是心理補償覺得自己做左野，就成日扮作睇場人，在公共空間(特別是公園)唔准人做呢樣果樣，例如花糟唔比坐，令到市民連找個地方休息都無，當市民係小販咁趕走。

雖然我都知始作俑者可能是政府，但而家D保安真係好似大陸D城管咁。

以前這個空地比現在大兩倍，還有很多石椅比老人家坐底吹水，但領匯化後領匯將一半地方變成室內商場，而室外這小小地方，整到一張椅都無，老人家要坐花糟。